Romantizmi Arberesh

Në shekujt e parë të jetës së arbëreshëve në Itali, shkrimet dhe veprat letrare ishin mjaft të rralla, por ato erdhën e shpërthyen në shekullin XX, kur nisi të krijohet e të marrë hov letërsia e vërtetë artistike shqiptare, me veprat e De Radës, Darës, Serembes e poetëve të tjerë. Shkas për këtë shpërthim nuk ishte vetëm ai zhvillim i natyrshëm që sollën kohërat e reja, nuk qe vetëm lëvizja e Rizorxhimentos italiane. Letërsia arbëreshe ishte krijesë e një populli, që kishte jetuar për kaq kohë, e vazhdonte të jetonte akoma, një dramë të rëndë, ajo lindi si shprehje e vuajtjes së të qenit “i huaj”, i diskriminimit e i dëshirës së flaktë për t’i parë një ditë të lirë trojet e të parëve. Në këtë libër analizohen e diskutohen shumë nga problemet themelore të letërsisë e të autorëve arbëreshë, lidhur ngushtë edhe me kushtet historike e shoqërore të kohës kur u zhvillua kjo letërsi, ndikimet e saj nga letërsia italiane në veçanti dhe ajo europiane në përgjithësi; gjithashtu, analizohen e diskutohen vepra të caktuara dhe problematika të veçanta të letërsisë romantike arbëreshe.