Paradigma Kadareane

Shiu te poezia Mall, bashkon atë që është rrënuar, atë që ka humbur, duke u futur kështu në mes, për të zhdukur hapësirën bosh që lë larg pjesë të shpirtit. Zëri që del nga pikat e shiut, sjell tinguj që thërrasin për bashkim shpirtëror duke e vënë kështu përballë një zbrazëtie, një vetmie apo një mungese. Shiu sjell lajm e bashkë me lajmin edhe shpresë për shpirtin njerëzor që do të bashkohet. Qelqi i vënë në mes, shumëfishon rrugët e kësaj ardhjeje. Tingujt që vijnë me pika shiu, janë zëra që vijnë me një drithërimë emocionale, që prek lehtë, pjesët e shpirtit të rënë në gjumë, apo të zhytur thellë në një ëndërr. Shiu sjell tinguj magjikë, të cilët vënë në lëvizje shpirtin që gati ka vdekur, ngre të vdekurin, apo atë që vetëm ka rënë në gjumë, apo i jep fund një ëndrre që s’kish të sosur. (fragment nga libri)