Mbi Perrallen

Nëse në një periudhë të aktivitetit tim letrar kam qenë i joshur nga folktales, nga fairytales, kjo s'ka ndodhur për besnikëri ndaj një tradite etnike (duke qenë se rrënjët e mia gjenden në një Itali krejt moderne dhe kozmopolite), as për nostalgji ndaj leximeve fëminore... por për interes stilistik dhe strukturor, për ekonominë, për ritmin, logjikën thelbësore me të cilën janë rrëfyer... Karakteristika e pare e folktales është ekonomia shprehëse; peripecitë më të jashtëzakonshme janë rrëfyer duke marrë parasysh vetëm thelbësoren; ka gjithnjë një betejë kundër kohës, kundër pengesave që nuk lejojnë apo vonojnë përmbushjen e një dëshire apo rivendosjen e një të mire të humbur.