Keshtjella E Medias

Ky libër shfaqet jo vetëm si historiku i medias së parë të pavarur në vend, gazetës “Koha jone”, por edhe si historia e gazetarisë shqiptare të pas viteve ’90. Dhe jo vetëm, por edhe të medias se pas viteve 2000.Libri ka foto, dokumenta, faksimile, ngjarje, përjetime, debate, përplasje me pushtetet, etj të pa treguara deri tani. Të lexosh historinë e gazetës “Koha Jonë” është si përshkosh me detaje, fakte e dëshmi historinë e Shqipërisë së jetuar e rrëfyer nga njerëzit që me punën e tyre ndërtuan atë që Nikoll Lesi e quan në librin kujtime të tij “Kështjella e medias”. Shumica e gazetarëve të viteve ‘90 apo 2000 e kanë pasur në mënyrë të pashmangshme një pikëtakim me gazetën “Koha Jonë”, e nëse do të shfletojnë faqet e këtij libri, do ta gjejnë veten në të, sipas këndvështrimit të autorit Nikoll Lesi, i cili rreket të tregojë veçse fakte.