Diagnostifikimi Bashkekohor I Semundjeve Te Brendshme

Kjo vepër pasqyron një literaturë të gjerë bashkëkohore, nga shumë burime perëndimore, që vështirë se mund të gjendet kaq e koncentruar, prandaj besoj se do të përqafohet me dashamirësi nga çdo specialist dhe do të zërë një vend dinjitoz në bibliotekën e secilit, sado përgatitje të lartë teorike dhe përvojë profesionale të ketë.
Këtu janë përshirë teknologjitë e reja laboratorike, si ato të antikorpeve monoklonike, vëzhguesit e DNA-së, reaksioni zinxhir i polimerazës, provat hormonale, ngjyrosja imuno-kimike dhe citokimike, citometria, ato në fushën e skanerit dhe të rezonancës magnetike, të endoskopisë e shumë të tjera. Pra, ato që do të gjeni në këtë libër kanë përmirësuar rrënjësisht saktësinë dhe shpejtësinë diagnostike. Ato kanë rritur dhe zgjeruar njëkohësisht njohuritë e shkencëtarëve dhe të mjekëve në fushën e imunologjisë, onkologjisë, endokrinologjisë, çrregullimeve metabolike e gjenetike, kanë ndihmuar në një shkallë të re identifikimin e patologjive të reja, HIV 1, HIV 2, HTL V1, HTL V2, viruset e hepatiteve, të elikobakterit Pylori, morbus Lyme, legjionarëve, febris hemorragjik etj.