Shenja, Diagnoza Dhe Keshilla Nga Mjeket Me Te Mire

Libri “Shenja, diagnoza dhe këshilla nga mjekët më të mirë” është një udhëzues për shëndetin, funksionimin e trupit dhe trurit si një kombinim perfekt, duke u fokusuar me hollësi për sëmundjet më shpeshta që prekin organet dhe proceset jetësore te njeriu. Janë identifikuar 25 sëmundjet më të shpeshta te njeriu dhe për secilën prej tyre përzgjidhen për këshillim ekspertët më të njohur. Pra, për çdo temë, apo sëmundjen përkatëse, kemi ekspertizën e një mjeku apo grupi mjekësh, të cilët, nga ana e tyre, i referohen gjithë përvojës dhe së mjekësisë në shkallë botërore. Merita e autorit të këtij libri është jo vetëm përzgjedhja dhe përkthimi i saktë në gjuhën shqipe, por edhe ofrimi i informacionit shkencor me një gjuhë të thjeshtë, të qartë dhe të kuptueshme për lexuesin shqiptar. Për çdo organ, mekanizëm apo proces jetësor të njeriut jepen informacione të qarta dhe të dobishme, shpjegohet qartë funksioni, ndërlidhja dhe ndikimi i pjesës më vete dhe si pjesë e një të tëre. Për sëmundjet jepen shenjat paralajmëruese, ndryshimet dhe ndikimi i sëmundjes në organizëm, jepet diagnostifikimi dhe protokollet e kurimit. Për çdo argument ka ilustrime me shembuj dhe fakte, histori suksesi apo dështimi, si edhe deri ku ka arritur mjekësia moderne në parandalimin, identifikimin dhe kurimin e sëmundjeve.