C'te Besh Kur Mendja Te Mbetet Peng

A e dije se njerëzit kanë disa filtra mendorë? Ata shërbejnë që truri të mos bëhet rrëmujë prej mendimeve të padobishme. Ndonjëherë ndodh që
këta filtra ngatërrohen ose bllokohen, kështu që truri ngec me mendime që i torturojnë vërtet fëmijët. Nëse kjo gjë të ka ndodhur edhe ty, pra, nëse e ke të vështirë të ndihesh i sigurt ose i mbrojtur për shkak se disa mendime të mbajnë peng, ky libër është për ty.
Udhëzuesi “Ç’të bësh kur mendja të mbetet peng” i orienton fëmijët dhe prindërit e tyre përmes teknikave konjitive-sjellore të përdoruara për të trajtuar problemet e çrregullimit obsesiv-kompulsiv.
Ky libër vetë-ndihmës interaktiv i shndërron fëmijët në super-detektivë, të cilët mund të dallojnë dhe t’i përgjigjen në mënyrën e duhur rrengjeve të ÇOK-ut. Me shembujt ndërveprues, aktivitetet dhe udhëzimet hap pas hapi, ai u vjen në ndihmë fëmijëve që të zotërojnë aftësitë e nevojshme
për t’u çliruar nga mendimet fiksuese dhe nevojat e ngutshme të ÇOK-ut, si dhe të jetojnë më të lumtur. Ky udhëzues është burim i plotë i edukimit, motivimit, dhe fuqizimit të të fëmijëve për të punuar drejt ndryshimit.