Pasoje Topin ! Therret Kosja

Libri Pasoje topin! thërret Kosja është frymëzuar nga fëmijëria e Kosovare “Kose” Asllanit. Një pjesë nga tregimet në libër kanë ndodhur vërtet, ndërsa të tjerat janë të sajuara. Është e vërtetë për shembull që Kosja gjithnjë në fushë ka dashur ajo ta ketë topin, që gjeti një shoqe kur filloi të luajë dhe ajo u bë portiere dhe që ato u stërvitën duke gjuajtur në dëborë. Kosja e dashuron lojën e futbollit. Dhe ka dëshirë të fitojë. Është kënaqësi për të ta ketë topin gjithë kohën.
“Kur isha gjashtë vjeç më tha një kushëriri im se futbolli nuk është për vajza. Kur isha në ciklin e lartë të shkollës 9 vjeçare, një drejtor më tha se duhet ta lë futbollin, se po e kaloja kohën kot dhe se kurrë nuk do të mund ta siguroja jetesën nëpërmjet futbollit. Ata ndezën një zjarr tek unë dhe sa më shumë dyshonin në mua, aq më shumë rritej ky zjarr brenda meje dhe më bëri të jem kjo që jam sot”, pjesë nga rrëfimi i Kosovare Asllanit.