Tregime Nga Autore Shqiptare, Maqedonas Dhe Italiane

Ky libër është përgatitur dhe botuar në kuadrin e projektit të bashkëpunimit të programit Europa Creative “Readers of the future”, në kujdesin e të tri partnerëve: Shtëpia Botuese DITURIA (Shqipëri), Tabernakul (Maqedoni) dhe L’assoziazione Agenzia Arcipelago (Itali). Libri ka tri pjesë: pjesa e parë në shqip (tregime të zgjedhura nga autorë shqiptarë, si dhe nga autorë maqedonas dhe italianë, përkthyer në shqip), pjesa e dytë në maqedonisht (tregime të zgjedhura nga autorë maqedonas, si dhe nga autorë shqiptarë dhe italianë, përkthyer në maqedonisht) dhe pjesa e tretë në italisht (tregime të zgjedhura nga autorë italianë, si dhe nga autorë shqiptarë dhe maqedonas, përkthyer në italisht). Libri “Lexime për fëmijë dhe të rinj” është një mundësi e mirë për lexuesit e vegjël të së ardhmes: shqiptarë, maqedonas apo italianë që të “udhëtojnë” në letërsinë e vendeve fqinje, përkthyer mjeshtërisht në gjuhën e tyre, për të njohur jo vetëm njëri-tjetrin dhe vlerat kulturore të fqinjëve, por edhe për të gjetur ose zbuluar kënaqësinë e leximit dhe rileximit.