Bota E Dinozaureve

Autorët e këtij libri janë specializuar në fushën e botimeve për natyrën. Teksti i hartuar prej tyre plotësohet dhe gjallërohet me ilustrimet e biologut Román García Mora, i cili është specializuar edhe në fushën e ilustrimeve shkencore, duke iu përkushtuar sidomos rindërtimit paleontologjik, e mbi të gjitha, të dinozaurëve. Këtu do të mësoni për çdo specie të jashtëzakonshme dinozaurësh se ku dhe kur ka jetuar, ku janë gjetur fosilet kryesore dhe ç’përmasa ka pasur. Po nga se dallon ky libër nga të tjerët që janë shkruar për dinozaurët? Në të nuk ka thjesht e vetëm informacione. Ai është hartuar mbi hipotezat e paleontologëve të ndryshëm, të cilat, të paraqitura me një gjuhë mjaft të thjeshtë, ju bëjnë edhe ju të vlerësoni e të mbërrini hap pas hapi te të vërtetat që janë zbuluar në ditët e sotme për dinozaurët e që nuk i kemi ditur më parë.