E Fshehta E Valixhes Se Vjeter

Një mëngjes, një djalë që jeton i vetëm në breg të detit bashkë me qenin e tij, shikon tek lëkundet mbi valë një valixhe të vjetër. Futet në det dhe e merr atë. Brenda në valixhe gjen vetëm rroba të vjetra. Por shumë shpejt disa burra të panjohur vijnë në kasollen e tij dhe e kërcënojnë t’u dorëzojë valixhen. Djali nuk e kupton se çfarë vlere ka ajo valixhe dhe detyrohet të largohet bashkë me të dhe qenin e tij. Rrugës, me ta bashkohet një gomar dhe një lepur. Ndërkohë njerëzit e panjohur vihen në ndjekje të djalit. Jeta e tij është në rrezik.
Pas pak ditësh nga brenda valixhes dëgjohet një zë i mbytur dhe shokët gjejnë brenda saj një merimangë, e cila u tregon të fshehtën e madhe të valixhes, e cila ndodhet nën një shtresë të drunjtë. Kur shohin për se bëhet fjalë, shokët vazhdojnë arratinë të trembur dhe më vonë kuptojnë vlerën e madhe të gjësë së fshehur në valixhe.