Serafina Dhe Shkopi I Perdredhur

MPOSHTJA E BURRIT ME MANTEL TË ZI e ka nxjerrë Serafinën nga hija në mbretërinë e dritës së shtëpisë së saj, Pallatit Biltmor. Çdo natë ajo viziton të ëmën në pyll, e paduruar të mësojë zakonet e saj si macmal. Por Serafina gjendet e kapur midis dy botëve: është shumë e egër për zonjat e veshura bukur e me sjellje të stërholluara dhe shumë njerëzore për t’u bashkuar përfundimisht me të ëmën.
Kur një seri sulmesh misterioze vënë në provë rolin e Serafinës si mbrojtëse e Biltmorit, ajo e shikon veten të shkëputur nga shoku i saj më i mirë dhe aleati i vetëm, Brajden Vanderbilti. Zemërthyer, ajo largohet.
Thellë në pyll, Serafina gjendet ballë për ballë me të keqen që ka molepsur Biltmorin... dhe zbulon se ajo është ku e ku më e rëndë nga sa kishte përfytyruar. Të gjithë njerëzit dhe krijesat e Vargmalit të Kaltër janë në rrezik të paimagjinueshëm. Që të mposhtë këtë të keqe të re para se ajo të gëlltitë shtëpinë e saj të dashur ajo duhet të shikojë thellë brenda vetes e të përqafojë fatin që kishte kohë që e priste.
“Beatty vazhdon të ndërtojë një botë magjike fantastike... Edhe më i bukur se libri paraardhës, ky libër pasues të mban të drithëruar nga fillimi në fund.”
- Kirkus Rewiews (koment me yll)
“Një mister magjepsës që do të pritet mirë nga fansat.”
- School Library Journal