Kopshti Sekret

Kur jetimja Meri Lenoks shkon të jetojë në shtëpinë e madhe të xhaxhait, në Jorkshir, zbulon se aty kishte shumë të fshehta. Shtëpia kishte rreth njëqind dhoma, ndërsa xhaxhai rrinte gjithmonë i mbyllur brenda. Ndërsa natën, ajo dëgjonte të qara në fund të një korridori të gjatë. Kopshtet, që rrethonin pronën e gjerë, ishin shpëtimi i vetëm për Merin. Aty, Meri zbulon një kopsht të fshehtë, të rrethuar me mure dhe me një derë të kyçur. Me ndihmën e dy shokëve, që i njohu papritur, Meri zbulon një shteg për të hyrë atje dhe është e vendosur t’i rikthejë jetën kopshtit të harruar.
* * *
FRANCES HODGSON BURNETT
Lindi në Mançester, Angli, më 24 nëntor 1849. Në vitin 1865 shkoi në Amerikë bashkë me familjen. U bë e njohur si shkrimtare me librat Lordi i vogël, botuar më 1886, Princesha e vogël, më 1905, dhe Kopshti sekret, 1909. Vdiq në Shtetet e Bashkuara më 1924.