Oxhakpastruesi

Angli, fundi i shekullit të nëntëmbëdhjetë. Pas zhdukjes së personit që e ka rritur, Nani Harabela është e detyruar të punojë si oxhakpastruese për llogari të Krudit, një shfrytëzues i lig dhe i paskrupullt. Jeta e të miturve që pastrojnë oxhakët është e vështirë dhe tepër e rrezikshme, por mes kacavjerrësve që bëjnë këtë punë, Nani dallohet për aftësitë e saj. Megjithatë, një ditë ajo bën një gabim fatal dhe mbetet e bllokuar brenda në oxhak. Pikërisht atëherë kur mendon se nuk ka asnjë shpresë, ndodh e papritura, vajza zgjohet me dhimbje në një papafingo të braktisur. Dhe nuk është e vetme... Pranë saj gjendet një krijesë misterioze, e përbërë nga bloza dhe hiri, që flet dhe lëviz. Së bashku, vogëlushja dhe “përbindëshi” do të rriten, duke i shpëtuar jetën njëri-tjetrit.