Nje Tokesor Ne Luften Mes Planeteve

Henri është një djalosh që i kalon pushimet në shtëpinë e gjyshërve në fshat. Një objekt i çuditshëm, i gjetur në kopshtin e gjyshit, do ta dërgojë atë në një vend të panjohur e të errët, ku do të takohet me qenie të çuditshme, të cilat kanë aftësinë të shndërrohen në qenie të tjera. Ato vijnë nga planeti Tala, i pushtuar nga shamanët, banorë të një planeti tjetër. Pushtimi i ka detyruar talanët të vijnë në këtë planet të errët, banorët e të cilit janë ende në fazat e para të zhvillimit. Henri nuk e di sesi ka përfunduar në këtë planet, por pas njohjes me talanët, do të kuptojë se njërin prej tyre e ka takuar në Tokë, pikërisht pranë shtëpisë së gjyshit. Henri ndodhet në një botë të panjohur, shumë larg Tokës dhe vendos të qëndrojë e të bëhet pjesë e një aventure të paimagjinueshme.