Arinjte Duan Te Fluturojne

Shkrimtarja Rovena Rrozhani, është ndër emrat më të spikatur të plejadës së re të shkrimtarëve tanë për fëmijë. Ajo u dhuron lexuesve të vegjël botimin e saj më të ri "Arinjtë duan të flutorinë, si vazhdimësi e librit "Lendina e Arushëve”, që shënoi një sukses për vetë shkrimtaren dhe për letërsinë.
Djali i vogel Andi, i cili bashkë me Egretën, e shpëtuan arushin Tom nga kthetrat e trafikantit të urryer të kafshëve, në këtë libër është më i rritur. Tomi është bërë baba i një arushi të vogël, por trafikanti i pamëshirshëm përpiqet ta trafikojë përsëri. Ngjarjet janë përshkruar me mjeshtëri dhe lexuesi i ndjek e i përjeton njëra pas tjetrës me kureshtje. Një tjetër vlerë e librit është se ai ngjall dashurinë për natyrën, ambientin, kafshët dhe na edukon t'i duam e t'i mbrojmë ato.
Lexim të këndshëm në aventurat e bukura të librit!