Profesori D Merr Kontrollin

DEJVIDI është në telashe! Po bie nga mësimet dhe
prindërit, ndryshe, Menaxhimi, po bëhen gati të marrin masa serioze. Si gjithmonë, qeni i tij robot, Pika, i vjen në ndihmë dhe gjen një rrugëdalje nga një burim i papritur - bota e shkencës! Nëpërmjet një serie eksperimentesh krijuese, Dejvidi u provon të rriturve se ata janë po njësoj si ai dhe telashet e tij nuk janë personale, por universale!
DAN ARIELY u jep jetë kërkimeve të tij akademike përmes një serie librash me ilustrime për lexuesit e rinj. Talenti i tij unik për ta bërë shkencën popullore dhe të arritshme nga të gjithë është i dukshëm në personazhet gazmore që krijon dhe ngjarjet e ndjeshme që tregon. Mbushur me fakte dhe eksperimente, humor dhe empati, librat e tij për të rinj janë një hyrje e shkëlqyer në metodat shkencore dhe studimin e natyrës njerëzore.