Libri I Pare I Deshtuar I Matit

Mati është dymbëdhjetë vjeç, me një cullufe të zezë me ngulm ë çrregullt dhe një prirje të spikatur për telashe. Kësaj here ka përë vërtet një gabim të madh... Por nga ana tjetër, nga ta dinte qqë fishekzjarrët, nëse ndizen dhe vendosen afër kaçubave, mund t'i djegin ato? Çfarë mund të dinte? Çfarë? Prindërit vendosin ta ndëshkojnë. Për fat të mirë Mati, meqë i kishte jetuar njëmbëdhjetë vitet e gjysmë të fundit i ndëshkuar, është bërë ekspert botëror dhe di t'i mbijetojë çfarëdolloj situate. Ndalohet të përdorë celularin? Mjafton të kalosh te tableti. Sekuestrim i videolojërave? Shkohet te Rebi, mikesha e pasionuar pas videolojërave. Nuk ka televizor? Tashmë vetëm të vdekurit shikojnë në televizor: ka internet. Sa keq që kësaj here mamaja dhe babai e befasojnë Matin me një dënim të papritur dhe shkatërrues: për një muaj do të duhet të bëjë punë vullnetare në një qendër të moshuarish. Domethënë, një qendër plot me të moshuar. Mati është i dëshpëruar. Nuk do absolutisht t'i djegë muajt më të mirë të rinisë midis pleqve. Pa shtuar që një veprimtari e tillë do të minonte emrin e tij tashmë të paqëndrueshëm në shkollë. Mati nuk di se çfarë të bëjë, por një gjë është e sigurt: planet e tij duhet të ndryshojnë. Dhe keqas.