Çfarë po presim në të vërtetë? Profecia e lashtë thotë se Zoti e zbulon fytyrën e Tij te një fëmijë. Dhe meqë profecitë u shoqëruan gjithnjë nga shenja të mrekullueshme - atëherë poetët, shkrimtarët, piktorët dhe artistët i kanë kapur gjithnjë misteret e mrekullueshme midis trëndafilave dhe bredhave, barinjve dhe kambanave, drekave familjare, qengjave dhe gomarëve, fëmijëve dhe magjistarëve: "Zoti është këtu, tani!".
Në këtë koleksion elegant, është mbledhur gjithë bota e përrallave dhe e poezive shkruar nga Alcott-i, Bargellini, Broun-i, Chesterton-i, Christie, Deledda, Fanciulli, Grahame, Vëllezërit Grimm, Haedrich-i, Jiménez, Lagerlöf-i, Chevrillon-i, Peguy-i, Santucci, Solov'ev-i, Travers-i. Legjenda dhe përralla tradicionale vijnë nga Arabia, Britania e Madhe, Meksika, Rusia, Shtetet e Bashkuara dhe Zvicra. Të gjitha ilustrimet e mrekullueshme janë bërë nga Carl Larsson.
Për moshat nga 0 në 99 vjeç.
