Aventurat E Tom Sojerit

“Tashmë ai zbuloi diçka me të vërtetë të re: se të japësh fjalën a të betohesh se nuk do ta bësh diçka, mund të të shtyjë më shumë që ta bësh atë gjë.”
Ky roman është paraqitja idilike e fëmijërisë së djaloshit Tom Sojer, për të cilin nuk ka mbetur fëmijë që të mos ketë dëgjuar. Aventurat e panumërta nëpërmjet të cilave kalon ai, megjithëse mund të thuhet se janë përvoja nga vetë jeta e Mark Tueinit, lexohen si magjishëm, pasi janë mbushura plot mistrecëri dhe energji djaloshare. Aventurat e tij me Hakëllbëri Finin shkojnë gjersa të zbulojnë vrasësin, Xho Indianin, i cili kryen një krim të rëndë, për të hedhur kështu hapin e parë drejt botës së të rriturve. Ky libër do lexuar përpara se të rritemi më tej! Rrituni me Tomin!