Your cart
There are no more items in your cart
Së bashku me historitë e heronjve të shquar, të kënduara nga Homeri dhe Virgjili, pra pranë aventurave legjendare të Akilit, të Odisesë dhe të Eneas, DITURIA radhit edhe historinë e një heroi të vërtetë: Aleksandrit të Maqedonisë. Fushatat e tij nuk janë fryt i fantazisë së poetëve. Betejat, në të cilat luftoi dhe vështirësitë që përballoi, nuk qenë fryt i muzës poetike: qenë të vërteta si drita e diellit. Por ishin aq madhështore, aq të jashtëzakonshme, madje mund të themi edhe aq të pabesueshme, sa mund të duket sikur edhe ato janë rrjedhim i një fantazie heroike. Ai kishte projektuar jo mbizotërimin grek në Lindje, por një perandori që do bashkonte grekët me lindorët: dy popujt e mëdhenj, që atëherë ishin protagonistë të historisë, madje mund të themi edhe të gjithë botës. Për këtë arsye Aleksandri është quajtur i Madh, pasi ishte i pari, që pati idenë e bashkimit në një shtet të vetëm të njerëzve me kulturë, gjuhë, racë dhe fe të ndryshme.