Nina 7 Arka E Drites

Libri u mbyll befas dhe sërish tryeza u drodh e tëra, aq sa Salia
mezi arriti të mbahej pas një gozhde që dilte nga muri.
Vogëlushja e Hënës së Gjashtë ia nguli sytë kopertinës së
praruar të librit magjik: – Ç’po ndodh kështu? Çfarë
djallëzie ka në mendje Karkoni? E di që do të më
vrasë, por më shumë më bren frika mos ia
nxjerr inatin ndonjërit prej miqve të mi.
Një lumë mendimesh iu dynd në mendje:
nuk e dinte nëse Konti po organizonte
një kurth për numrin 8 apo ishte thjesht
gënjeshtra e radhës e Livios.
Befas, ndjeu një pickim në pëllëmbën e
dorës së djathtë: nishani në formë ylli po
kullonte gjak. Piklat ranë si shi mbi dysheme
duke e njollosur me të kuqe kapakun e
kapanxhës.
– Gjak! Ylli im është i zi dhe i përgjakur!
Do të ndodhë vërtet diçka e tmerrshme!