Fyelli I Dibres

Ky libër vjen si botim anastatik i vitit 1944 i tipografisë "Gurakuqi". "Shfaqjet e jetës s’onë kombëtare e shoqnore në të kaluemen, përgjithësisht, janë përjetsue prej poetëvet t’onë popullorë me anë të kangëvet. Këto kangë nuk janë vetëm prona mendore e shpirtnore e këtyne vjershëtorëve, por e tanë popullit, mbasi ai i frymëzoi me ngufmue në shprehje poetike. Prandaj mund të themi se poezia jonë popullore âsht pasqyra e shpirtit të popullit t’onë. Nga kjo poezi kuptohet fare mirë morali e karakteri, besniknija e fisniknija, mënija e dashunija, burrnija e trimnija, shkurt, shpirti i kombit t’onë. Unë kujtoj se historia e jonë kombëtare, shoqnore e gjuhësore, ka me pasë si burim kryesuer edhe poézinë t’onë popullore, e cila besoj se âsht ma e pasun se e çdo kombi tjetër, mbasi vên në dukë ngjarjet e jetës s’onë qysh nga mâ të voglat e deri në mâ të randësishmet. Prandaj vendosa me i mbledhë kangët që këndohen në Dibër dhe me i paraqitë në ket vëllim, me shpresë se do të pëlqehen prej lexuesvet edhe si art."