Doktrina Organike E Shtetit

E botuar në kuadër të kolanës “Mendimi filozofik dhe politik”, vepra e Hajnrih Ahrensit është
një sintezë harmonike e gjithë elementëve që duhet të gjejnë vend në filozofinë e të drejtës dhe më tej
në doktrinën e shtetit. Ahrensi me frymë sintetike dhe me mendje erudite, paraqet gjendjen
kompleksive të shkencës së të drejtës dhe të shtetit me gjerësi pikëpamjesh, duke mos shpërfillur
asnjë prej elementëve antropologjikë dhe të organizimit shoqëror. Qëllimet e autorit shprehen qartë:
shtrimi i ideve themelore prej nga del shkenca e të drejtës dhe e shtetit, në një organizëm të jetësuar
nga etika; ofrimi në bazë kritike të rreptë i njohjes së thellë të doktrinës së burimeve të së drejtës;
paraprija e çdo trajtimi të veçantë të historisë së të drejtës si shprehja më e vërtetë zhvillimit të
popujve; zhvillomi i parimeve themelore mbi të cilat bazohet e drejta civile bashkëkohore; paraqitja e
shkencës së shtetit me vëmendje të posaçme ndaj raporteve etiko-sociale, dhe përcaktimi i degëve të
saj në një analizë të plotë dhe të lehtë.