Ceshtja Kozmike

Ky libër i shkruar në një proces dyzet vjeçar, u drejtohet atyre që nuk pajtohen me botën ku jetojmë. Pasi u botua për herë të parë në vitin 2004, me kontributet e lexuesve u zhvillua, u zgjerua dhe u përditësua derisa mori formën e fundit që mbani në duar.
Libri u tregon gjëra të vështira të irrituarve me kohën dhe botën ku jetojmë. Trajton çështje kozmike, epistemike, paradigmatike dhe mistike. Përmbledh njeriun, shoqërinë, ne, shtetin, botën dhe Turqinë. Merr përsipër të bëjë filozofi historike. Nxjerr një kornizë kozmike për botën politike, ushtarake, diplomatike, administrative dhe agjenturore. Mund të them se keni të bëni me një libër të pazakontë, të shkruar si një Traktat Politik (Siyasetnâme) apo Mukaddime e re, mbështetur në urtësinë e lashtë.
Ky libër u drejtohet shtetarëve e politikanëve, burokracisë së lartë, administratës fiskale e civile, juristëve, diplomatëve, agjentëve, oficerëve, forcave të rendit, pararojës së shoqërisë civile, drejtuesve të kompanive, akademikëve, dijetarëve të Islamit, intelektualëve, poetëve, njerëzve të letrave, artistëve, gazetarëve e autorëve, si dhe çdo individi të kombit të thellë, dhe shpresoj që të ngjallë një jehonë rilindjeje tek ata që kanë kujtesë kozmike.