Lulet E Se Keqes

Disa më kanë thënë se këto poezi mund të bëjnë keq; nuk jam gëzuar për këtë gjë. Ca të tjerë, shpirtra të mirë këta, më kanë thënë se mund të bëjnë mirë; as kjo nuk më ka pikëlluar. Frika e të parëve dhe shpresa e të dytëve njëlloj më kanë çuditur dhe kanë shërbyer vetëm për të marrë vesh se ky shekull i ka çmësuar dhe harruar të gjitha nocionet klasike lidhur me letërsinë. (Charles Baudalaire)
Pak shkrimtarë kanë pasur aq ndikim te brezat pasardhës sa Charles Baudelaire-i, të cilin e konsiderojnë si poetin e parë modern. Emri i tij njihet kudo, pasi tashmë Baudelaire-i është poeti francez më i përkthyer dhe më i lexuar në mbarë rruzullin. Ai është një prej simbolistëve më të shquar, që hapi udhën nëpër të cilën kaluan të gjitha shkollat moderniste.