Nje Preher Per Dashurine

MIGENA ARLLATI me poezinë e këtij libri kërkon dhe ndërton një strehë, Një prehër për dashurinë, titull ky gjithpërfshirës dhe njëri nga titujt e tre cikleve tok me Idealizëm dhe Me dorë në zemër.
I gjithë libri është një kërkim i sinqertë poetik i autores, një rrugëtimi jetësor (Shqipëri-Kosovë), është e djeshmja, e sotmja... e përhershmja! Këtë rrugëtim jete MIGENA arrin që ta kthejë në ndjenjë e rrëfim poetik, të çiltër e gjithë ngrohtësi. Motive të vargut të saj janë bërë të gjithë ata që ndodhen brenda ndjenjës së saj të dashurisë e të dhembjes.
Poezia e MIGENA ARLLATIT është mall e meditim, është idealizëm e përku- shtim. Një dashuri në përmasën e saj më universale. Një varg poetik si pshertimë malli dhe lutje për dashurinë. MIGENA herë është Rozafë e Dorun- tinë, herë Teutë. Ajo është dhe nënë e bashkëshorte. Vargu i saj herë është durim e heshtje, herë bëhet zë buçitës. Në poezinë e saj, ajo është e përshpirtshme, por krenare. Një prehër për dashurinë është poezi e ngrohtë e mesazheve të bardha.