Damar Dheu

Cilat janë disa nga vlerat kryesore të poezisë së MIRELA PAPUCIUT? Do ishte fare e përgjithshme ta cilësoja "e veçantë", ndonëse ajo është e tillë, falë mençurisë, ndjenjës dhe gërshetimit të tyre. Ndjenja, çasti, vështrimi metaforik, përjetimi janë poezia e të gjitha kohërave. Poezia e saj nuk është eksklamative, s'ka britma, përbetime dhe figura e trope të papri- tura, por vjen me një natyrshmëri të habitshme. Emëruesi i të gjitha poezive është meditimi. Mirela flet me vete, thotë ato që përjeton çdo ditë, mat me pëllëmbët e mendjes dhe "ia tregon" vetes me një pëshpë rimë trishtimi të ndritshëm, nganjëherë me melankolizëm, nganjëherë si aksiomë, që s'mund të jetë ndryshe në poetikën filozofike.
Tematikat vijnë nga e përditshmja që nis me familjen, vijon me kujtimet dhe ringjalljen e tyre, zgjerohet me mallin, kalon te plagët sociale e shu- mëçka ngjall trishtim e dhembje që ajo e përcjell të metaforizuar... Autorja është dhe violiniste dhe e ndien mirë ritmin dhe kadencat rit- mike. Ndaj dhe në të gjitha krijimet e saj ruhet ritmi dhe kjo e bën poe-
zinë e MIRELA PAPUCIUT edhe më të vlertë.