Veteqeverisja Vendore Organizimi Dhe Funksionimi Ne Republiken E Shqiperise Dhe Te Kosoves

Teksti universitar “Vetëqeverisja vendore, organizimi dhe funksionimi në Republikën e Shqipërisë dhe të Kosovës”, është hartuar në përputhje me strukturën e përmbajtjeve të kurrikulave pedagogjike dhe si i tillë, mund të shërbejë edhe për mësuesit e të gjitha niveleve në Shqipëri dhe Kosovë. Hartimi i tekstit përbën edhe përpjekjen e parë për trajtimin studimor të qeverisjes vendore në kontekstin e formatit konstitucionalist, institucional e procedurial të sistemit politik të demokracisë liberale e po ashtu të predispozitave të Këshillit të Europës e të Bashkimit Europian. Në të sillet përvoja e vendeve të Bashkimit Europian për vetëqeverisjen vendore. Teksti ofron trajtimin e qeverisjes vendore edhe në aspektin kronologjik me sistemet politike të qeverisjes, qysh me krijimin e shtetit të pavarur shqiptar, të republikës dhe monarkisë shqiptare, të regjimit totalitar komunist e të tranzicionit postkomunist. Ndërsa trajtimi për Kosovën përfshin periudhën para dhe pas Shpalljes së Pavarësisë.