Koha Per Politike

Grida Duma hyri në përditshmërinë e jetës publike shqiptare me një sistem të menduari krejt të vetën. Të ri dhe imponues. Libri i saj është konfirmim i një personaliteti të njohur. Mendmi dhe gjykimi i Grida Dumës ka thellësinë e një filozofi, debati dhe polemika zhdërvjellësinë e një sofisti, humori gjithmonë njerëzor dhe i përmbajtur ka kripën e këndshme të mencurisë, fraza elegancën e stilistit.
Grida Duma ishte dhe është një zbulim befasues, gjithmonë e lirë e varur nga vetvetja. Ajo dhe kur nuk je në një mendje me të të detyron ta dëgjosh apo ta lexosh deri në fund dhe të mendosh… .
Bardhyl Londo
Një libër i rrallë i letrave tona të fushët së politologjisë. Një skaner i panjohur deri më sot i mundësive dhe perspektivës liberale europianiste të Shqipërisë kështu sic është dhe sic mund të jetë, një ese në rangun e manifestit të liberalizmit shqiptar. Shkruar nga një grua që ka zgjedhur të sjellë realizmin në angazhimin politik.
Preç Zogaj
Këtë trajtesë të Grida Duma-s, ia vlen ta lexosh që më pas të rrekemi t’iu japim udhë zgjidhjes së çështjeve, në një mënyrë a tjetrën, ndoshta kështu siç sugjeron autorja, për njërën, disa, apo të gjitha çështjet. Hapi i parë është leximi, paskëtaj, të tjerat vijnë natyrshëm.
Artan Hoxha