Nova Demokratia

Përmbledhja e 15 eseve, të shkruara së fundi nga Prof. Dr. Tonin Gjuraj, dhe të botuara si libër më vete, mendoj se është një hap për t'u përshëndetur dhe për t'u vlerësuar. Esetë lexohen me shumë interes, pasi ato sqarojnë koncepte, por edhe paraqesin me një gjuhë të kuptueshme, të qartë dhe të ngjeshur me argumente, veçori të tranziconit dhe demokratizimit në Shqipëri, si dhe probleme të diskutueshme, ende të pazgjidhura teorikisht, gjë që reflektohen në nivelin e politikave dhe të reformave konkrete që propozohen nga forcat e ndryshme politike. Në këtë rrafsh libri më i ri i Prof. Dr. Tonin Gjuraj sjell vlera të reja. Në këto ese ai reflekton njohje solide të tranzitologëve perëndimorë dhe lindorë, të cilët i sjell në funksion të sqarimit të një çështjeje të caktuar, por dhe për të zbuluar të përbashkëtën dhe të veçantën e tranzicionit demokratik në vende të ndryshme.