Diturija Bibliografi E Revistes Diturija

Më 1 janar të vitit 1909, Lumo Skëndo nisi botimin e revistës kulturore Diturija në shtypshkronjën “Mbrothësia” në Selanik, e cila vijoi të shtypej në Bukuresht më 1916 dhe në Tiranë më 1926-1929. “Programi dhe qëllimi ynë është që ta bëjmë një revistë të dobishme, pak a shumë për të gjithë këndonjësit, për nxënësit, studentët, mësonjësit, si edhe për amatorët e këndimit dhe të nxanit, të japim një landë të këndshme për një ushqim moral për çdo intelektual”, - kumtonte Lumo Skëndo për zotimet e revistës “Diturija”.5 Kjo revistë, përveç të nxanit e diturisë si një ushqim mentar e shpirtëror, u kthye edhe në një tribunë e hulumtimeve studimeve shkencore, kryesisht gjuhësore, historike, kulturore dhe letrare, në një dëshmi të fuqishme të identitetit kulturor të shqiptarëve, por edhe në një mjet informimi publik për ngjarjet, personalitetet shqiptare apo të huaja, botimet etj.