Alija Izetbegoviq u lind më 8 gusht 1925, në Bosanski Shamac. Në Sarajevë, ku edhe u shkollua, jeton që nga viti 1928. Studimet i fulloi në agronomi, ndërsa pas tre semestrash, më 1954, kaloi në Fakultetin Juridik. Diplomoi më 1956, ndërsa më 1962 dha provimin e avokatures,
Në dy raste është dënuar për vepra politike. Herën e parë më 1946 si anëtar i Organizatës "Muslimanët e Rinj", me tre vjet burgim. Doli më 1949. Në procesin e njohur të montuar gjyqësor më 1983, u dënua me 14 vjet burgim, që më vonë u shkurtua në 12 e në fund në 9 vjet. Asokohe u dënua si autor i Deklaratës Islame, të shkruar më 1970. Në burg kaloi 5 vjet e 8 muaj. Doli në nëntor 1988.
Përveç librit të lartpërmendur, është autor edhe i librit Islami ndërmjet Lindjes e Perëndimit (1976), të cilin e keni pranë dhe që deri më tash, përveç në gjuhën shqipe, është përkthyer edhe në ato anglishte, turke dhe malaje; si dhe përmbledhjen e artikujve Problemet e Rilindjes islame (1981). Në përgatitje e sipër është libri i tij i ri Mendimet në burg.
Kah fundi i vitit 1989 ngriti iniciativën për themelimin e një Partie muslimane në
Jugosllavi (PAD), ndërsa në Kuvendin themelues të kësaj Partie, të mbajtur në Sarajevë më 26 maj 1990, u zgjodh si Kryetar i saj. Sot ushtron postin e Kryetarit të Kryesisë së Bosnje-Hercegovinës. Nje analizë frymëzuese dhe mahnitshëm integruese e gjendjes njerëzore. Shtrirja e fuqisë
së librit shfaq një ndjenjë gjallëruese të bukurisë dhe universalitetit të Islamit. Robin Woodsworth Carlsen
Një arritje e rendit të parë - koha do ta vërtetojë përmbajtjen e tij.
Prof. Ismail R. el-Faruki
Alija Izetbegoviqi e përcakton drejtimin e vet - guximshëm por në mënyrë magjepsëse.
Dr. S. Baliq
Me shekuj Evropa ka përfituar nga Islami, shpesh pa e pranuar këtë dhe pa dhënë asgjë në kthim. Tash, me botimin e Islami ndërmjet Lindjes e Perëndimit, Evropa ka filluar t'ia kthejë borxhin Islamit.
Mjaft racional, por sidoqoftë jo fyes për ndjenjat, libri lartëson shpirtin, pa e poshtërsuar trupin. Mirëpo, ajo që e përcakton si të veçantë është urtësia e tij transcendentale me një stil, që është në natyrën e të gjitha ideve fisnike. Pa dyshim, thirrja e tij do të shkojë përtej kohës së vet, për shkak se e përfshin jetën ndërsa nuk ka kurrfarë teme më bujare se jeta.
M. Tariq Quraishi
