Politizimi I Islamit

2. Ky punim monografik është fryt i një pune kërkimore të thelluar, disa dhjetëvjeçare i studiuesit turko-amerikan 94-vjeçar; Kemal Karpat. Përmes fakteve dhe të dhënave të shumëllojshme, të qëmtuara nga burime të mirëbesueshme, ky libër ofron analiza teoriko-sociologjike dhe historike të ndërkomunikimeve të Fesë Islame me zhvillimet politike në Perandorinë Osmane, si perandori shumëfetare dhe shumë kulturore.Me argumente teorike dhe fakte të pakundërshtueshme, ky libër hedh poshtë paragjykime të shumëllojshme të përhapura gjerësisht në vendet perëndimore për Perandorinë Osmane, dhe veçanërisht për Fenë Islame, për keqpërdorimin e kësaj feje në dobi të interesave politike të klasave sociale ose të shteteve të caktuara etj. Drejtpërdrejt dhe sidomos tërthorazi ky punim monografik ofron informacion edhe për ndihmesën e shumëanshme të shqiptarëve në funksionimin e Perandorisë Osmane në rrjedhën e disa shekujve.