Te Besosh Ne Mrekulli

“Një ditë ju do të mësoni diçka e cila nuk mund
të shpjegohet shkencërisht. Dhe, kur ajo ndodh, jeta juaj do të ndryshojë në mënyrë të paimagjinueshme...”

Xheremi Marsh është një djalë i ri nga Nju Jorku; mjaft tërheqës, gjithmonë i veshur me të zeza, pjesë e elitës së gazetarëve. Një ekspert që duke u përpjekur të zbresë nga piedestali të mbinatyrshmen në artikujt që boton në Scientific American, sapo bëri shfaqjen e parë në TV kombëtar. Kur mori një letër nga qyteti i vogël i Bon Kreut, në Karolinën e Veriut, rreth dritave misterioze që shfaqen në një varrezë për të cilën tregohen shumë legjenda, nuk mund t’i rezistonte mundësisë për të shkuar dhe për të hetuar këtë enigmë.
Këtu, në këtë komunitet të vogël por shumë të bashkuar, Leksi Darnell, drejton librarinë e qytetit, ashtu si nëna e saj përpara se të vdiste në një aksident duke e lënë Leksin jetime.
E zhgënjyer nga lidhjet e kaluara, duke përfshirë edhe atë me një të huaj, ajo ishte e sigurt për një gjë: e ardhmja e saj do të ishte në Bon Krek, pranë gjyshes së saj dhe njerëzve që donte.
Xheremi priste që të kalonte një aventurë të shkurtër para se të kthehej në qytetin e tij. Por, që nga çasti që pa Leksin, u mahnit dhe u tërhoq shumë nga kjo grua e bukur e cila fliste me një zë të zvargur dhe reflektonte sinqeritet. Dhe Leksi, ndërsa ngurronte t’i besonte këtij të huaji, e kuptoi se po mendonte për Xheremin më shumë nga ç’kishte kurajën ta pranonte.
Tani, nëse lidhen bashkë, Xheremi Marsh, duhet të bëjë një zgjedhje shumë të vështirë: t’i kthehet jetës së mëparshme apo të bëjë diçka që nuk e ka bërë kurrë më parë - të besojë.