Rrufeja

Si partnere në një nga firmat më prestigjioze të avokatisë në Nju Jork, Aleksandra Parker mezi ia del të balancojë karrierën dhe jetën personale, me bashkëshortin dhe një djalë trevjeçar, të cilin e lindi në moshën 40-vjeçare. Por Aleksandra ndihet e bekuar me jetën dhe martesën e lumtur... derisa një kontroll rutinë mjekësor ia kthen botën përmbys. Sem Parker është një biznesmen i njohur, krenar për karrierën e tij dhe të së shoqes. I mësuar t’i ketë gjërat nën kontroll, Semi kapet në befasi nga sëmundja e Aleksandrës. I tmerruar nga ideja se mund të humbë të shoqen dhe i përndjekur nga hijet e së shkuarës, Sem e ka të pamundur të mbështesë gruan e tij, nga e cila fillon të distancohet. Sikur të mos mjaftonte kjo, edhe karriera e tij merr një goditje të rëndë. Në këtë situatë është Aleksandra ajo që duhet të mendojë nëse ka të ardhme për jetën e tyre në çift apo nëse duhet të vazhdojë rrugën e vetme.