Shoqeria E Motrave Te Trendafilit

Adolf Hitleri është në prag të arritjes së fitores së tij të madhe: zbulimit dhe kapjes së Thesarit të Solomonit, që besohet se është thesari më i shenjtë i botës e që përmban edhe dije të lashta. Ai beson se ky thesar do të garantojë ëndrrën e tij të Rajhut Njëmijëvjeçar.
A do të mundet Zhizelë Çajkovski, gruaja e re amerikane që ka fituar famë si balerinë adoleshente në vitet 1930 të ndërpresë ëndrrën e Hitlerit për pushtimin e botës? A do të bëjë Shoqëria e Fshehtë e Motrave, që ajo krijon, gjithçka kundër makinës së tmerrshme luftarake naziste?
A do të mundet të sjellë Shoqëria në kohën e duhur rigjallërimin e hyjnisë femërore në jetën njerëzore, që të shpëtojë botën nga holokausti i këtij të çmenduri?
Xhim Marsi paraqet një kombinim skajor të faktit dhe trillimit në këtë histori që rrëmon gjerësisht në sekretet e lashta të zbuluara në mes të periudhës së luftës. Kjo histori është një rrëfenjë për dashurinë dhe për luftën, për misteret e lashta dhe për përpjekjet për drejtpeshimin e shpirtit njerëzor.
Gjetja e misteriozes Kafkë e Fatit përbën shtysën fillestare që Zhizela të bashkojë dymbëdhjetë gra të jashtëzakonshme për të formuar Shoqërinë e Motrave të Trëndafilit. Përveçse gra me lidhje të shumta, ato janë bashkëshorte, dashnore dhe të besuara të burrave më të fuqishëm të Luftës së Dytë Botërore.
Fama, burimet dhe pasuria e familjes i sigurojnë Zhizelës mjetet për të krijuar e për të përdorur Shoqërinë, një organizatë kjo e bazuar në parimet hyjnore të dashurisë e të paqes.
Motrat përdorin shkathtësinë, joshjen, pasionin, dashurinë dhe mençurinë e tyre për t'ia punuar shërbëtorëve të Hitlerit e për të kontribuar në rënien e Rajhut të Tretë. Zhizela dhe Shoqëria e Motrave të Trëndafilit përbëjnë një pjesë të historisë së fshehtë të Luftës së Dytë Botërore.
Në roman, lexuesi do të gjejë me shumicë fakte dhe teori konspirative për ngjarje e persona të shumtë, që nga okulisti Alister Krouli e oficeri dhe shkrimtari Jan Fleming të cilët luajnë një rol kyç në kapjen e oficerit të lartë nazist Rudolf Hes, deri te dashnoret e Hitlerit e të Musolinit që punojnë në prapaskenë për të afruar fundin e luftës.