Investitori Inteligjent

Meqenëse libri ynë nuk u drejtohet spekulantëve, atëherë kjo do të thotë se ky libër nuk është menduar për ata që tregtojnë në treg. Shumica e këtyre njerëzve janë të udhëzuar me diagrame ose mjete të tjera, kryesisht mekanike, për përcaktimin e momenteve të duhura për të blerë dhe për të shitur. I vetmi parim që vlen për pothuajse të gjitha këto të ashtuquajtura "qasje teknike" është ajo që dikush duhet të blejë sepse një stok ose treg është rritur dhe dikush duhet të shesë sepse stoku ose tregu ka rënë. Kjo është saktësisht e kundërta e asaj që kuptohet si biznes i shëndoshë, dhe ka shumë pak gjasa që mund të çojë në një sukses të qëndrueshëm në Wall Street. Në përvojën tonë në tregun e stoqeve dhe të vëzhgimit, përvojë kjo e shtrirë mbi 50 vjet, nuk kemi njohur asnjë person të vetëm i cili ka fituar para vazhdimisht ose në mënyrë të qëndrueshme duke e "ndjekur tregun".