Analet

Në Kinën antike ky libër është konsideruar i shenjtë, gati-gati njëlloj si Bibla për Perëndimin. Për qytetarin e thjeshtë, ky libër përcakton rregullat e 'jetës së tij, mënyrat e sjelljes, ndërsa për dikë që dëshiron të merret me politikë e të bëhet pjesë e qeverisjes studimi në thellësi i ideve të librit është i domosdoshëm. Ka ekzistuar dikur thënia se "Me gjysmën e "Lun Yu (Analeve)" mund të sundosh botën”, që do të thotë se mjafton të zotërosh vetëm gjysmën e ideve të librit për qenë i aftë për qeverisjen e vendit.Gjurma që la Sokrati në Athinë do të mbetet një nga pikat më të ndritshme dhe më dalluese të historisë perëndimore. Edhe gjurma që la Konfuci në Kinë shkëlqen edhe sot jo vetëm në Kinë, por kudo në vendet që e duan kulturën. Prandaj me të drejtë, Jaspersi i konsideron Konfucin dhe Sokratin, përfshirë edhe Krishtin dhe Budën, si formuesit e të menduarit të njerëzimit.