Qyteti Dhe Patologjite E Jetes Urbane

Një libër i cili merret me studimin e hollësishëm të problemeve sociale që shqetësojnë jetën e sotme urbane të qyteteve tona. Në një hapësirë prej 400 faqesh trajtohen gjërësisht pasojat e zhvillimeve demografike ekstensive dhe nevoja e urbanizimeve të reja të qyteteve tona, si një proces i determinuar, kusht për t’i bërë ato sa më cilësore, të jetueshme, duke shmangur degradimin e tyre.
Autori ofron ide dhe zgjidhje të mundshme, për të bërë të mundur që patologjitë e sotme të jetës urbane të mund të vendosen nën kontrollin e shoqërisë. Kjo përmes trajtimit sociologjik të ndryshimeve sasiore e cilësore, transformimit të përshpejtuar të raporteve midis popullsisë rurale dhe urbane. Të gjitha këto ndryshime, transformime, përmirësime por dhe përkeqësime, autori i trajton në kontekstin e asaj që ai e vlerëson si “revolucion urban”, që tashmë ka ndodhur në Shqipëri në tri dekadat e jetës demokratike. Ai është revolucion i vazhduar, i pandërprerë. Një proces i ndërlikuar social, ekonomik e urban, i cili nga njëra anë ka zgjeruar “këmishën” e qyteteve tona. Por nga ana tjetër pasojat nuk mund të jenë të përballueshme dhe të asimilueshme pa respektimin e “disiplinës urbane”. Nga qytetarëve autoktonë apo të sapourbanizuarit. Sepse qyteti ka nevojë për dinjitetin e jetës së përditshme të qytetarëve të tij.