Milioner Seksi Dhe I Lumtur

Në këtë libër gjeni këshilla të miat: Si një 18-vjeçar me ngjyrë, i vetmuar, trokë, i pasigurt që kishte braktisur universitetin e që vinte nga një familje e falimentuar, kisha shënuar në ditarin tim se dëshiroja që, deri në moshën 25 vjeç, të isha bërë një “milioner seksi dhe i lumtur”.
Si mbusha 25 vjeç, isha një multi-milioner që kishte krijuar një biznes me vlerë 300 milionë dollarë. Është ironike, por me të arritur synimet që i kisha vënë vetes, zbulova se kisha gabuar në thuajse të gjitha gjërat...
Bota më kishte mashtruar. Më kishte gënjyer për mënyrën sesi të arrija përmbushjen, dashurinë dhe suksesin, për arsyen se pse ato gjëra kishin atë vlerë, si dhe për domethënien e vërtetë të atyre fjalëve.
Po e humbasim veten tonë. Po gjurmojmë gjërat e gabuara, po bëjmë pyetjet e gabuara duke e ndotur mendjen tonë gjithnjë e më tepër. Ka ardhur momenti që të ndalojmë, të rezistojmë dhe të rimendojmë strukturën themelore sociale mbi të cilën janë ndërtuar jetët tona.
Në këtë libër unë jam përpjekur të zhvesh gënjeshtrat më popullore mbi lumturinë – të cilat nuk janë trajtuar më parë – e që na kanë nxitur t’u besojmë verbërisht. Do të nxjerr në dritë burimin e këtyre mashtrimeve, do të analizoj nxitjet që i shtyjnë dhe do t’i zëvendësoj ato me një grup idesh të provuara shkencërisht.
Të gjitha këto do t’ju ndihmojnë të keni një jetë vërtet të përmbushur, plot me dashurinë që ju kërkoni dhe me suksesin që ju meritoni.