Nje Hyrje Tek Idete

Filozofia dhe besimi janë të vjetra po aq sa dhe vetë historia – dhe njëherazi po aq aktuale. Idetë që janë farkëtuar në shekujt e shkuar ende dhe sot përcaktojnë mënyrën si jetojmë e çfarë mendojmë për veten... Ky libër na drejton mes dyzet kthesash filozofike të mendimit njerëzor. Këtu janë marrë në shqyrtim filozofët më të shquar: Platoni, Aristoteli, Augusti, Dekarti, Kanti, Loku, Marksi, Niçe, Frojdi... Ekzistencializmi, Feminizmi, Humanizmi, Racionalizmi, Paranormalja, Epoka e Re... Shumë ide të filozofisë, moralit e teologjisë janë përfshirë në këtë libër. Filozofia nuk ka të bëjë vetëm me të menduarit; ajo ka të bëjë edhe me mënyrën e të jetuarit. Ky libër iu hedh një vështrim ideve të ndryshme, në kohëra të ndryshme, në njerëz të ndryshëm dhe në vende të ndryshme. Idetë janë shumë të rëndësishme. Pas bisedave, medias, televizionit, opinioneve politike shpesh qëndrojnë filozofi të tëra të cila kalojnë pa u vënë re sepse njerëzit nuk janë mësuar t’i mendojnë gjërat në këtë mënyrë. Pra, ky libër do t’ju ofrojë atyre më shumë zgjedhje për të menduar për gjërat nëpërmjet udhëtimit nëpër territoret e ndryshme të mendimit.