Psikoanaliza Dhe Feja

Këtë libër mund ta shqyrtosh si vazhdim të shqyrtimit të filluar në punimin “Njeriu siç është ai”, që i është kushtuar studimit të psikologjisë së etikës. Etika dhe feja janë të lidhura ngushtësisht njëra me tjetrën, prandaj ato kanë diçka të përbashkët. Në këtë libër, megjithatë, vëmendja kryesore i kushtohet problemit të fesë, në një kohë që në punimin “Njeriu siç është ai” theksi kryesor i është vënë studimit të etikës. Pikëpamja e parashtruar në kapiutjt që vijojnë, në asnjë kuptim nuk është karakteristikë për psikanalizën. Ka psikanalistë , të cilët janë thellësisht fetarë, po ashtu si dhe të tjerë të cilët e shqyrtojnë interesin për fenë vetëm si simptomë të konflikteve emocionale të pazgjidhshme. Pozicioni i zënë në këtë libër dallohet nga dy të mësipërmit dhe është, në rastin më të mirë, tipik për grupin e tretë të psikanalistëve.