Your cart
There are no more items in your cart
E shoqëruar nga shumë njerëz, zbres në Shamp Elize më një kamionçinë. Jepet alarmi kundërajror. Kamioni ndalon dhe të gjithë pasagjerët kërcejnë në tokë për t'u fshehur pas shtëpive më të afërta duke përplasur dyert pas vetes. E fundit, kërcej nga kamioni dhe përpiqem të hyj si të tjerët në një shtëpi, por të gjitha dyert janë mbyllur mirë me brava me fakfune të shndritshme dhe Shamp Elizeja është zbrazur krejtësisht. Fshihem pas një muri dhe shoh nga qielli: në vend të avionëve bombardues që prisja, shoh njëfarë disku fluturues, domethënë një sferë metalike, në formë pikë loti. Ajo fluturon ngadalë në qiell, nga veriu në lindje dhe unë kam përshtypjen që disku më mbikëqyr. Në heshtje, dëgjoj takat e një gruaje që zbret e vetme në trotuarin e zbrazur të Shamp Elizesë. Mjedisi është i kobshëm.