Nje Ore Per Te Jetuar Nje Ore Per Te Dashuruar

Nëse do të kisha një orë kohë për të jetuar, nuk do të telefonoja dikë që më ka borxh para, apo dikë që më ka ofenduar ose më ka lënduar në ndonjë mënyrë. Habitem se sa kohë kam harxhuar kot gjatë viteve, duke menduar për gjëra të tilla. Nuk ia vlen barra qiranë. Me kohën që më ka mbetur, do të zgjidhja t’i lija mendimet e mia në paqe, tani, në këtë moment të çmuar.
Jo, nëse do të kisha vetëm një orë kohë për të jetuar dhe mund të bëja një telefonatë, do të telefonoja bashkëshorten, shoqen e jetës sime, Krisin. Ne të dy kemi tetëmbëdhjetë vjet martesë, por më e rëndësishmja, sipas meje është fakti që kemi qenë miq të ngushtë për më shumë se njëzet vjet. E kam të vështirë ta shkruaj këtë pa më dalë lot, sepse e di se një ditë do të më duhet ta bëj këtë telefonatë. Dhe kur të vijë ajo kohë, shpresoj të jem në gjendje të telefonoj Krisin. Më mirë akoma, shpresoj të kem mundësinë të jem me të.