Ushtaraket Spiunet Dhe Shtegu I Minjve

Oficeri i shërbimeve sekrete gjatë Luftës së Dytë Botërore, koloneli Xhejms V. Milano, komandoi Shërbimin e Fshehtë të Ushtrisë për një vit e gjysmë pas luftës. Nga viti 1947 deri më 1950, ai ishte shef i operacioneve për të gjitha forcat amerikane të dislokuara atje. Ai u tërhoq nga Ushtria më 1966. Patrik Brogani është korrespondent nga Uashingtoni për The Herald (Glasgow). Është autor I një sërë librash të tjerë, si Deadly Business: The Story of Sam Cummings and Interarms; The Fighting Never Stopped dhe Captive Nations: Eastern Europe, 1945-1989. Të dy autorët jetojnë në Uashington, D.C. Ky libër u dedikohet pjesëtarëve të komunitetit të Shërbimit Sekret, të cilët, bashkë me Ushtrinë e Shteteve të Bashkuara, shërbyen në Austri pas Luftës së Dytë Botërore. Ata ishin një grup njerëzish të talentuar dhe të përkushtuar, të cilët jetuan dhe punuan nën trysninë në rritje të Luftës së Ftohtë. Kontributi i tyre e ndihmoi shumë qeverinë amerikane për të kuptuar kërcënimin sovjetik, që çoi në një konfrontim dhe konflikt gjithëpërfshirës, i cili zgjati më shumë se katër dhjetëvjeçarë.