Kopshti I Edenit

Kopshti i Edenit” ishte një bestseller kur doli në vitin 1986, edhe pse është libri i fundit i pambaruar i Ernest Heminguejit, me të cilin punoi nga viti 1946 deri sa vdiq në vitin 1961. Libri tregon historinë e një shkrimtari të ri amerikan, David Bourne, gruas së tij Catherine dhe lojën e rrezikshme erotike që ata luajnë kur bien në dashuri me të njëjtën grua. Ngjarjet në libër përshkruajnë pesë muaj të jetës së David Bourne në rivierën franceze. Historia nis gjatë muajit të tyre të mjaltit. Çifti i ri takohet me një grua të re që quhet Marita, me të cilën bien të dy në dashuri. David nis një histori me Maritën, ndërsa marrëdhënia me gruan e tij bëhet gjithmonë e më e largët.