Ushtari I Mire Shvejk 3-4

Komisioni i mjekëve të gjykatës, që duhej të vendoste nëse Shvejku, duke marré gjendjen e tij psikike, duhej të përgjigjej apo jo për të gjitha krimet për të cilat akuzohej, përbëhej nga tre zotérinj jashtëzakonisht seriozë, pikëpamja e njërit nga të cilét ndryshonte në themel nga ajo e dy të tjerëve.
...Pèrgjigjet që do të lindnin nga ato, do të vërtetonin idenë që ishte krijuar që në fillim
për Shvejkun. Keto pyetje do të bëheshin në bazë të sistemit të doktorëve të psikiatrisé
Kalerson, Heveroh dhe te anglezit Vejking.
- A është radiumi më i rëndë se plumbi?
- Nuk i kam peshuar ende, -u përgjigi plot dashamirësi Shvejku. - A besoni në fundin e botës?
- Se pari, do te ishte e nevojshme që këtë fund ta shihja, - u përgjigj pa të keq Shvejku, po, natyrisht, ai s'do të ndodhë nesër.
- Ado të ishin në gjendje të llogaritnit diametrin e Tokës?
- Këtë s'jam në gjendje ta bëj, -u përgjigj Shvejku. - Po edhe une, zotërinj, do të dëshiroja t'ju bëja një pyetje: ta zëme se kemi një shtëpi trekatëshe. Secili kat i kësaj shtëpie ka tetë dritare. Në pullaz ka dy baxha dhe dy oxhake. Në secilin kat banojnë dy qiraxhinj. A mund të më thoni tani, zotërinj, se në ç'vit vdiq gjyshja e portierit të shtëpisë?