Martin Iden

Romani "Martin Iden" është një ndër veprat më të mira të Xhek Londonit, i cili tashmë, është bërë i njohur ndër lexuesit tanë edhe nëpërmjet përkthimit të disa veprave të tjera të tij, si: "Thundra e hekurt", "Kushtrimi i të parëve", "Dhëmbi i bardhë", "Balua" etj. Këtë ribotim nuk e pashë të udhës që të shoqërohet me ndonjë analizë të përmbajtjes së romanit dhe të mendësisë së Xhek Londonit, siç është vepruar në tri botimet e mëparshme të kësaj vepre. Lexuesit shqiptarë janë në gjendje të kuptojnë se në këtë vepër të këtij shkrimtari të madh amerikan paraqiten probleme ekonomike-shoqërore dhe mendësi të shoqërisë amerikane të fundit të shekullit XIX dhe të fillimit të shekullit XX.