Krahina E Tomorrices 1

Ky vëllim na jep historinë e krahinës nga antikiteti deri në mbarim të Luftës së Dytë Botërore. Libri ndahet në 5 kapituj me mbi 500 faqe gjithsej. Përshkrimi i krahinës në tërësi dhe i fshatrave i përkasin kapitullit të parë me rreth 135 faqe. Historia e jetës së tomorricarëve nga antikiteti i hershëm
dhe deri në shekullin e XVIII - të gjendet në kapitullin e dytë me mbi 30 faqe. Tomorrica në kohën e Rilindjes Kombëtare jepet në kapitullin e tretë. Këtu historia jonë rrok një periudhë rreth 120 vjeçare nga 1820 deri në 1939. Historia e kësaj periudhe përshkruhet në mbi 70 faqe.
Tomorrica gjatë pushtimit fashist, LANÇ dhe kontributet e krahinës dhe djemve të saj në atë luftë jepen në kapitujt e katërt e të pestë. Historia e kësaj periudhe përcillet në mbi 230 faqe. Ndërkaq le të ndalim pak më gjerë me risitë e kapitujve në parathënien tonë të shkurtër. Përshkrimi i krahinës dhe fshatrave në thelb është historia e "shtëpisë
së madhe" të tomorricarëve për tokën, klimën dhe gjithë pasuritë natyrore që afron krahina për jetën në këto troje.